د. سامان بەرزنجی، وەزیری تەندروستی. وێنە: رووداو
رووداو - تەندروستی
وەزیری تەندروستیی هەرێمی کوردستان رایدەگەیێنێت، بەهۆی کێبڕکێی نێوان کۆمپانیاکانی هاوردەکردنی دەرمان لە بازاڕی ئازاددا، نرخی دەرمان هێشتا ئەو نرخە نییە کە وەزارەت لەسەر ستیکەرەکان دایناوە و بە هەرزانتر دەفرۆشرێت.
ئەمڕۆ دووشەممە 17-2-2025 د. سامان بەرزنجی، وەزیری تەندروستیی هەرێمی کوردستان گوتی، باشترین دەستکەوتی وەزارەتەکە لەم کابینەیە ئەوەیە کە کواڵیتیی دەرمان رێکخراوە و تەنیا ساڵی رابردوو پێنج تۆن دەرمان لەنێوبراون و 150 ملیۆن دیناریش پێبژاردنی سەرپێچیان بۆ کۆمپانیاکان کردووە.
بەگوتەی د. سامان بەرزنجی، هێشتا نرخی دەرمان کەمتر دەکەنەوە و داشکاندنی زیاتر دەکەن، تاوەکو نرخەکەی لە هەرێمی کوردستان هاوتا بێت و دەرمانخانەکان نەتوانن هەرزانفرۆشتنیان بقۆزنەوە.
بەشێکی قسەکانی وەزیری تەندروستی لەبارەی دامەزراندن بوو و گوتی، وەزارەتی تەندروستی پێشەنگی ئەو وەزارەتانەیە کە پێویستی بە دامەزراندنی کارمەند و پزیشکە و بەتایبەتیش ئاماژەی بە پارێزگای دهۆک کرد.
گوتەی د. سامان بەرزنجی لە میانەی بەشداریکردنی بوو لەکاتی پێشکێشکردنی چالاکییەکانی بەڕێوەبەرایەتیی گشتیی تەندروستیی دهۆک بۆ ساڵی 2024.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ