رووداو - تەندروستی
کۆمەڵەی دڵ لە ئەمریکا AHA رایدەگەیێنێت، تووشبووانی نەخۆشییەکانی دڵ و خوێنبەرەکان ئەگەری تووشبوونیان بە تێکچوونی هزریی و خەمۆکی زیاترە.
کۆمەڵەکە ئاماژە بەوەدەکات، هەر یەکە لە سستبوونی دڵ، ناڕێکی لێدانی دڵ و گیرانی لوولەکانی خوێن بەشدارن لە دابەزینی توانای هزریی و مەترسیی تووشبوون بە خەمۆکی زیاددەکەن.
دکتۆر بینیامین رێد، سەرپەرشتیاری توێژینەوەکە دەڵێت، ''جێبەجێکردنی شێوازی ژیانی تەندروست و پێشگیریکردن لە هۆکارەکانی تووشبوون بە نەخۆشییەکانی دڵ و خوێنبەرەکان یارمەتیدەر دەبێت لە پاراستنی کارکردنی هزریی''.
بە گوێرەی ناوەندی کۆنتڕۆڵ و پێشگیریکردن لە نەخۆشییەکان CDC لە ئەمریکا، بۆ دوورکەوتنەوە لە نەخۆشییەکانی دڵ، شێوازی ژیانی تەندروست وەکو وەرزشکردن، دوورکەوتنەوە لە کحول، جگەرە و نێرگەلە، خشتەی رێکی خەوتن و خواردنی خۆراکی تەندروست جێبەجێبکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ