رووداو - تەندروستی
ئامارەکانی نەخۆشخانەی ئافرەتان و لەدایکبوونی فێرکاریی هەولێر دەریدەخەن، لەکۆی 16 هەزار و 971 منداڵبوون، 36٪ـیان بە نەشتەرگەری بووە و 32 هەزار و 516 منداڵیش لە بەشی ناکام خەوێندراون.
ئەمڕۆ سێشەممە 14-1-2025 د. مهاباد سابیر، سه‌رۆكی به‌شی خانمان و منداڵبوون لە نه‌خۆشخانه‌ی ئافره‌تان و له‌دایكبوونی فێرکاریی هه‌ولێر بە رووداوی راگەیاند، حاڵەتەکانی فریاگوزاری زیادیان کردووە کە ئەوە یەکێکە لە هۆکارەکانی زیادبوونی نەشتەرگەریی منداڵبوون.
د. مهاباد سابیر دەڵێت: بە لیژنە بڕیاری نەشتەرگەریی منداڵبوون دەدەین و بەشێکی زۆریشی ئەوانەی بۆیان دەکەین، منداڵی یەکەمیان بە نەشتەرگەری بووە، بۆیە بە ناچاری بۆ منداڵبوونەکانی داهاتوویان نەشتەرگەرییان بۆ دەکەین.
لە نەخۆشخانەکە ساڵی 2023، 19 هەزار و 62 منداڵ لە نەخۆشخانەکە لەدایکبوون کە 34٪ـیان بە نەشتەرگەری بوون، بەڵام ساڵی 2024، 16 هەزار و 971 منداڵ لەدایکبوون کە 36٪ـیان بە نەشتەرگەری بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ