WHO: ئیبۆلاکەی گینیا هاوشێوەیە لەگەڵ ئەوەی ساڵی 2014 لە ئەفریقا بڵاوبووەوە

رووداو- هەولێر 

بەرپرسێكی باڵای رێكخراوی تەندروستی جیهانی رایدەگەیێنێت ئەو ڤایرۆسی ئیبۆلایەی ئێستا لە گینیا بڵاودەبێتەوە رەنگە پەیوەندی بە ڤایرۆسەکەی ساڵی 2014 هەبێت کە لە رۆژئاوای ئەفریقا بڵاوبوویەوە. 

لە کۆنفڕانسێكی رۆژنامەڤانیدا د. مایکڵ رایان، سەرۆکی کردە فریاگوزارییەکانی رێكخراوی تەندروستی جیهانی دەڵێت ئەو بەدواداچوون و پشكنینانەی بۆ ئەو جۆرەی ئیبۆلا کراون کە ئێستا لە گینیا بڵاودەبێتەوە، هاوشێوەی ئەو جۆرەیە لە ساڵی 2014 لە رۆژئاوای ئەفریقا بڵاوبووەوە. 

توێژەرانی ئەفریقا و ئەڵمانیا کە بەدواداچوونیان بۆ جۆرەکەی ئیبۆلا کردووە دەڵێن ڤایرۆسەکە هاوشێوەیە و بەپێی ئەو زانیاریانەی بەردەستن پەیوەندی بە ئاژەڵەوە نییە و لە جۆرەکەی ساڵی 2014ـەیە کە لە ئەفریقا بڵاوبووەوە، دەشڵێت توێژینەوەی زیاتر دەبێت ئەنجامبدرێن، بۆ ئەوەی بسەلمێندرێ کە ڤایرۆسەکە لەو وڵاتە ماوەتەوە یان لەماوەی متبوون بووە. 

رایان دەشڵێت ئەوە درێژترین ماوەیە ڤایرۆسێك بتوانێت لەنێوان دوو بڵاوبوونەوەدا مابێت و ئەوەی ئێستا هەیە حاڵەتێكی دەگمەنە. 

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger