رووداو - تەندروستی
توێژینەوەیەک لە کەنەدا دەریدەخات، ئەو منداڵانەی بە نەشتەرگەری پێش کاتی خۆیان لەدایکدەبن، کەمتر بڕوانامەی باڵای خوێندن بەدەستدەهێنن و دەگەنە قۆناخێکی بەرزی خوێندن.
توێژینەوەکە لە زانکۆی تۆرێنتۆ لە کەنەدا کرا و دەرکەوت، منداڵە ناکامەکان ئەگەری دەستکەوتنی هەلی کارێکی مووچە بەرزیان کەمترە بەراورد بەوانەی بە سرووشتی لەدایکدەبن، ئەمەش سەرنجی لای زۆرێک لە توێژەران دروستکرد.
د. تیدرۆس پێچلیڤانۆغلۆ، نووسەرێکی توێژینەوەکەیە و دەڵێت: لەدایکبوونی پێشوەختەی منداڵ کێشەکانی گەشەکردن و هزری منداڵ زیاددەکات، بەمەش تواناکانی مێشکی لاوازدەبن، لە خوێندنیدا ناگاتە قۆناخە باڵاکان.
لە توێژینەوەکە منداڵە ناکامەکانی ساڵانی 1990 بۆ 1996 بەشداربوون کە زیاتر لە دوو ملیۆنن و داهاتووی ئێستایان هەڵسەنگێندراوە بەراورد بەوانەی بە سرووشتی لەدایکبوون، بەم شێوەیە؛
- ئەگەری چوونە کۆلێژیان 17٪ کەمترە.
- ئەگەری بەدەستهێنانی بڕوانامە بەرزەکانی دوای کۆلێژیان 16٪ کەمترە.
- ئەگەری دامەزراندنیان 2٪ کەمترە.
- داهاتی ساڵانەیان 6٪ کەمترە.
بەپێی رێکخراوی تەندروستیی جیهانی، 10٪ـی کۆرپەکان پێشوەختە لەدایکدەبن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ