رووداو - تەندروستی
توێژینەوەیەکی زانکۆی شەندۆنگ لە چین دەریدەخات، بەرگری پەیداکردن دژی ئەنسۆلین ئەگەری تووشبوون بە چەندین نەخۆشیی زیاددەکات و هۆکارێکی پێشوەختە گیانلەدەستدانە.
لەم توێژینەوەیەدا 430 هەزار کەس بەشداریان کردووە و دەرکەوتووە، جیا لە تووشبوون بە شەکرە، بەرگری دژی ئەنسۆلین ئەگەری تووشبوون بە نەخۆشییەکانی دڵ و خوێنبەرەکان زیاددەکات، هەروەها دەبێتە هۆی تووشبوون بە کێشەکانی کۆئەندامی هەرس.
جینگ وو، سەرپەرشتیاری توێژینەوەکە دەڵێت، ''دەبێت هاوڵاتییان شێوازی ژیانی تەندروست جێبەجێبکەن، جووڵە بکەن و خۆیان لە قەڵەوی بپارێزن بۆ کەمکردنەوەی مەترسیی تووشبوون بەم نەخۆشییانە."
بەگوێرەی ئەم توێژینەوەیە، بەرگری پەیداکردن دژی ئەنسۆلین کاتێک روودەدات کە خانەکانی ماسوولکەکان، چەوری و جگەر بە باشی وەڵامی هۆرمۆنی ئەنسۆلین نادەنەوە و ناتوانن بە ئاسانی گلوکۆز لە خوێندا هەڵبمژن.
بەپێی پەیمانگەی نیشتمانیی ئەمریکا بۆ نەخۆشیەکانی شەکرە، هەر یەکە لە جگەرەکێشان، قەڵەوی، کەمی چالاکیی جەستەیی و هەڵکشانی تەمەن هۆکاری دروستبوونی بەرگری دژ بە ئەنسۆلین.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ