رووداو - تەندروستی
بەپێی توێژینەوەیەکی نوێ، جوینی مادەیەکی رەق وەکو دار دەبێتەهۆی بەرزکردنەوەی ئاستی دژەئۆکسێنەرەکانی مێشک کە ئەمەش یادگە بەهێزدەکەن.
لە رابردوودا ئەوە سەلمێندراوە کە جوین کاریگەریی راستەوخۆی لەسەر باشترکردنی بیرەوەری و بیرکردنەوە هەیە وەکو جوینی بنێشت، بەڵام ئەم قسەیە بۆ جوینی مادەیەکی رەقیش تێبینیکراوە و پسپۆڕانی زانکۆی نیشتمانیی کیونگپووک لە کۆریای باشوور دەریدەخەن، مێشک زیاتر چالاکدەکات.
لە توێژینەوەکە ئاماژە بە جوینی دار کراوە، بەجۆرێک ئەوانەی گازیان لە پارچە دارێک گرتووە بۆ ماوەی 5 خولەک؛ تێبینیکراوە مادەی دژەئۆکسێن لەنێو کارلێکەکانی مێشکیان زیادبووە کە هۆکارە بۆ باشترکردنی فەرمانەکانی و یادگە.
چەند رێگەیەک بۆ باشترکردنی فەرمانەکانی مێشک و یادگە ئەمانەن؛
- خەوی رێک؛ رۆژانە 7 بۆ 8 کاژێر.
- بەهێزکردنی پەیوەندیی کۆمەڵایەتی؛ پەیوەندی لەگەڵ خەڵک و ئاژەڵ.
- کەمکردنەوە و کۆنتڕۆڵکردنی گوشاری دەروونی؛ ئەنجامدانی وەرزشەکانی خاوبوونەوە وەکو 'راگرتنی هەناسەدان و هەناسەدانی قووڵ، یۆگا و نوێژ'.
- خۆراکی تەندروست؛ بایەخدان بە خۆراکە پڕۆتینییەکان، چەورییە ناتێرەکان و دژەئۆکسێنەکان.
- بایەخدان بەو خۆراکانەی دەوڵەمەندن بە ئۆمێگا 3.
- دوورکەوتنەوە لە جگەرە، نێرگەلە و کحول.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ