رووداو - تەندروستی
توێژینەوەیەکی ئەکادیمیای ئەمریکی بۆ خەو دەریدەخات، ملیۆنان ئەمریکی کێشەی خەولێنەکەوتن و ناڕێکیی لە کاتەکانی خەویان هەیە.
توێژینەوەکەی ئەم ئەکادیمیایە ئاماژە بەوەدەکات، 12%ـی ئەمریکییەکان کێشەی کەمخەویان هەیە و پیاوان زیاتر بەدەست کەمخەوییەوە دەناڵێنن وەک لە خانمان.
دکتۆر ئێریک ئۆلسۆن، بەڕێوەبەری ئەکادیمیایەکە دەڵێت، ''کەمخەوی دەبێتەهۆی زیادبوونی مەترسییەکانی تووشبوون بە خەمۆکی، دڵەڕاوکێ، بەکارهێنانی مادە هۆشبەرەکان، رووداوی هاتووچۆ، نەخۆشیی ئەلزەهایمەر و شەکرەی جۆری دووەم، بۆیە دەبێت چارەسەربکرێت''.
دکتۆر ئێریک ئۆلسۆن دەشڵێت، باشترین چارەسەر بریتییە لە پاڵپشتیی هزری، دوورکەوتنەوە لە بیرکردنەوەی زۆری نێو جێگە و دانانی خشتەیەکی جێگیری کاتی خەوتن و هەستان لە خەو.
بەگوێرەی ئەکادیمیای ئەمریکی بۆ خەو ئەنجامدانی ئەم کارانە خەو باشتردەکەن؛
- دانانی خشتەی دیاریکراوی خەو
- بوونی ژینگەی گونجاوی خەو
- کۆنتڕۆڵکردنی گوشاری دەروونی
- دوورکەوتنەوە لە خۆراکە ناتەندروستەکان
- دوورکەوتنەوەی لە مادە هۆشبەرەکان
- دانانی خشتەی دیاریکراوی خەو
- بوونی ژینگەی گونجاوی خەو
- کۆنتڕۆڵکردنی گوشاری دەروونی
- دوورکەوتنەوە لە خۆراکە ناتەندروستەکان
- دوورکەوتنەوەی لە مادە هۆشبەرەکان
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ