رووداو - تەندروستی
توێژینەوەیەکی زانکۆی ئیراسمەس لە هۆڵەندا دەریدەخات، بەکارهێنانی دەرمانەکانی گرووپی NSAID بۆ ماوەیەکی درێژ, یارمەتیدەر دەبن لە پێشگیریکردن لە تووشبوون بە نەخۆشییەکانی لەبیرچوونەوە.
لە توێژینەوەکەدا هاتووە، بەکارهێنانی ئەم دەرمانەنە بۆ ماوەیەکی درێژخایێن. ئەگەری تووشبوون بە نەخۆشییەکانی لەبیرچوونەوە بەڕێژەی 12% کەمدەکەنەوە.
د. برۆنۆ ستریکەر، سەرپەرشتیاری توێژینەوەکە دەڵێت، ''دەرمانی NSAID لەوانەیە خانەکانی مێشک لە هەوکردن بپارێزێن، بەمەش تووشبوون بە لەبیرچوونەوە کەمدەبێتەوە''.
د. برۆنۆ دەشڵێت، ''بەهۆی کاریگەرییە نەرێنییەکانیان، پێشنیازی بەکارهێنانی ئەم دەرمانانە ناکەین، بەڵام دەکرێت لێکۆڵینەوەی زیاتریان لەسەر بکرێت''.
بە گوێرەی FDA، دەرمانەکانی دژە هەوکردنی ناستیرۆید NSAID وەکو ؛ئەسپرین، ئیبوپڕۆفین، ناپڕۆکسین سۆدیۆم، ئەو دەرمانانەن کە بە شێوەیەکی بەرفراوان بۆ کەمکردنەوەی ئازار، کەمکردنەوەی هەوکردن و دابەزاندنی پلەی گەرمی بەرز لەژێر راوێژی پزیشکیی پسپۆڕ بەکاردەهێنرێن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ