رووداو - تەندروستی
پسپۆڕێکی نەخۆشی و نەشتەرگەرییەکانی چاو رایدەگەیێنێت، نەخۆشییە سکماکییەکانی چاو زۆرن کە منداڵ گیرۆدەی دەبێت و رەنگە تا کۆتایی ژیانی پێوەی بناڵێنێت، پێکنەهێنانی ژیانی هاوژینی لەنێوان خزم بە رێگەیەکی پێشگیری دادەنێت.
ئەمڕۆ پێنجشەممە 7-11-2024 د. کاوێنا محێدین، پسپۆڕی نەخۆشی و نەشتەرگەرییەکانی چاو بە رووداوی راگەیاند، بەشێکی زۆری نەخۆشییە سکماکییەکانی چاو پێویستیان بە پشکنینی وردی بۆماوەیی هەیە کە لە هەرێمی کوردستان ناکرێن، بەڵام دەکرێت بە {پشکنینی پێش هاوسەرگیری و پێکنەهێنانی ژیانی هاوژینی لەگەڵ خزم بەتایبەت لەو ماڵباتانەی مێژووی نەخۆشییە سکماکییەکانیان تێدایە} رێگری لە کێشە سکماکییەکانی چاو بکرێن.
پسپۆڕەکە باسی منداڵی ناکام دەکات و دەڵێت، ئەگەری تووشبوونیان بە نەخۆشییە سکماکییەکان زۆرە، هەر بۆیە پێشنیازدەکات، دوای لەدایکبوون پشکنینی چاویان بۆ بکرێت، تاوەکو لە ئەگەری هەر کێشەیەک، چارەسەرکردنیان ئاسانبێت.
خوشک و برایەک لە سکماکەوە بەدەست نابینایی چاوێکیان گیرۆدەن، باوکیان دەڵێت، پزیشک قسەی جیاواز لەبارەی نەخۆشیی منداڵەکانی دەکەن و زۆربەیان دەڵێن، چاوە نەخۆشەکە، چاوە ساخەکەشیان نابینا دەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ