لە بەریتانیا دەرمانێكی نوێ بۆ پێشگیریکردن لە پووکانەوەی ئێسک پەسندکرا

 

پەیمانگەی تەندروستیی نیشتیمانی لە بەریتانیا ئاماژە بەوەدەکات، توێژینەوەکان سەلماندوویانە کە ئەم دەرمانە سەلامەتە لە بەکارهێنان، بەڕێژەی 8٪ ئێسەکاکان بەهێزدەکات و پێشگیری لە شکانی ئێسک دەکات، بەڵام دەبێت لەژێر چاودێری پزیشکی پسپۆڕدا بەکاربهێندرێت. 

 

کرەیگ جۆنس، بەڕێوەبەری کۆمەڵەی شاهانەی پووکانەوەی ئێسک لە بەریتانیا دەڵێت، ''Abaloparatide هانی دروستبوونی خانەی نوێ لە ئێسکەکان دەدات و بەهێزیان دەکات''.

 

بە گوێرەی مایۆکلینیک، پووکانەوەی ئێسک نەخۆشییەکی ئێسکە بەهۆیەوە چری کانزاکان و پێکهاتەکانی ئێسک گۆرانکارییان بەسەردێت و لاوازدەبن، بەمەش مەترسیی شکان زیاددەبێت، پووکانەوەی ئێسک لە خانمانی سەروو 50 ساڵی باوترە ئەمەش بەهۆی وەستانی سوڕی مانگانە و کەمبوونەوەی هۆرمۆنی ئیسترۆجین کە گرنگە بۆ پاراستنی چڕی و هێزی ئێسک.

 

بەپێی پەیمانگەی تەندروستیی نیشتیمانیی بەریتانیا، نزیکەی 3.8 ملیۆن کەس لە بەریتانیا تووشبووی نەخۆشیی پووکانەوەی ئێسکن.