قوتابییانی نێو قوتابخانەکەی ئوسترالیا. وێنە: AP
رووداو - تەندروستی
چێشتخانەی قوتابخانەیەکی هەرێمی تاسمانیای ئوستالیا پەیڕەوی سیستمی خۆراکی تەندروست دەکات و ئامانجەکە ئاشناکردنی قوتابییانە بە خۆراکی تەندروست.
نادین دەیڤی، مامۆستا دەڵێت: ''باشترکردنی خۆشگوزەرانی و دەروونی قوتابییەکانمان بە ئامادەکردنی ژەمێکی تەندروست بۆیان، هەمیشە سوودی هەیە''.
ئەو سیستمەی پەیڕەودەکرێت لە قوتابخانەکان ئەم خۆراکە تەندروستانە لەخۆدەگرێت؛ دانەوێڵەی تەواو، میوە، چەرەس و سەوزەکان بە کوڵاوی.
ئەم سیستمە خەریکە لە قوتابخانە سەرەتاییەکانی ئوسترالیا پەرەی پێدەدرێت، قوتابی رادەهێندرێت کە گەورەش بوو لەسەر سیستمەکە بەردەوام بێت.
بنیامین ریچاردسۆن کە مامۆستا و توێژەرێکی کۆمەڵایەتییە دەڵێت: ''ئەمە رێگەیەکە بۆ ئەوەی پەیوەندیی نێوان قوتابییان لەکاتی ژەمەکاندا باشبێت و وەکو ئەوە وابێت کە لە ماڵەوەن، ئەوە بەباشی کاردەکات''.
ساڵی رابردوو 15 قوتابخانە بەشداری ئەو سیستمی خۆراکییەیان کردووە و ئەمساڵیش 15ـی دیکە بەشداردەبن.
بەپێی کۆمەڵەی خۆراک لە ئەمریکا، قوتابییان 50٪ـی کالۆریی رۆژانەیان لە خۆراکەکانی قوتابخانە وەردەگرن، هەر بۆیە گرنگە لە قوتابخانە خۆراکی تەندروستیان پێبدرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ