رووداو - تەندروستی
رێکخەری بەبازاڕکردنی کۆمپانیای شێری سەراب رایدەگەیێنێت، ئەو ئۆتۆمبێلەی دەکرێتە دیاری بۆ براوەی پڕۆژەی ئەنتیتۆباکۆ، مۆدێل 2024ـی کیلۆمەتر سفرە.
شاڵاو حەسەن، رێکخەری بەبازاڕکردنی کۆمپانیای شێری سەراب گوتی، "زۆر خۆشحاڵ بووین کە یەکەم کاری هاوبەشیمان بۆ پڕۆژەیەکی ئاوا بەهادار و پیرۆز بێت لەگەڵ رووداو، کە پڕۆژەی ئەنتیتۆباکۆیە، لەڕاستیدا سەرەتا کە پەیوەندییان پێوە کردین زۆر سەرنجی راکێشاین، چونکە بابەتەکە بابەتێکە بۆ سوودی کۆمەڵگەیەکە و بۆ سوودی گشتییە، زۆر خۆمان بە خۆشحاڵ دەزانین کە ئێمە بەشدارین بە دابینکردنی ئۆتۆمبێلێکی 2024ی کیلۆمەتر سفر."
شاڵاو حەسەن دەڵێت، هەمیشە پشتگیریی پڕۆژەی لەم شێوەیە دەکەن و ئەو ئۆتۆمبێلەی دایان ناوە بۆ براوەی کامپەینی ئەنتیتۆباکۆ، جۆری 'تیگۆ 7 پڕۆ'ـی کۆمپانیای شێری سەرابە.
رووداو بۆ چوارەم ساڵ کامپەینی ئەنتیتۆباکۆ رادەگەیێنێت، کەمپەینەکە بۆ بڵاوکردنەوەی هۆشیارییە لەسەر جگەرە، ڤەیپ و نێرگەلەکێشان وەکو بەشێک لە کامپەینەکە، کلینیکی ئەنتیتۆباکۆش لە هەولێر لە نەخۆشخانەی تایبەتی 'پار' کرایەوە.
بۆ ئەوەی بەشداریبکەیت پێویستە لەم فۆڕمە ناوت تۆماربکەیت، یاخود پەیوەندی بە 07513233353 یان 07713233353 بکەیت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ