کۆنسێرتی یادکردنەرەی جۆرج هاریسن لە سینەما پێشاندرا

 

کۆنسێرتەکە لە هۆڵی رۆیال ئەلبێرت لە لەندەن لە 29 تشرینی دووەمی 2002 بەڕێوەچوو، واتە ساڵێک دوای کۆچی دوایی هاریسن بوو و لەلایەن هاوژینەکەی ئۆلیڤیا و کوڕەکەی دانی سازکرا.

 

پۆل مەکارتنی، گۆرانیبێژ و ژەنیاری گیتاری بەریتانی، لەگەڵ ژمارەیەک هونەرمەندی دیکە لە کۆنسێرتەکەدا بەشداربوو.  

 

داهاتی کۆنسێرتەکە بۆ دەزگەی 'Material World Charitable Foundation' تەرخانکرا کە پێشتر لەلایەن جۆرج هاریسن دامەزراوە.

 

کۆنسێرتەکە بەناوی 'Concert for George'یە و لە 2005 خەڵاتی گرامی وەک باشترین ڤیدیۆی درێژی گۆرانی بردەوە.

 

جۆرج هاریسن، لە 29 تشرینی دووەمی 2001 بەهۆی شێرپەنجەی سییەکان لە تەمەنی 58 ساڵیدا کۆچی دواییکرد.