رووداو- هەولێر
هونەرمەندان، نازدار جزیری و رابینی هاوژینی، ئاهەنگی سەری ساڵ لە شاری بێرمەن لە ئەڵمانیا ساز دەكەن.
رابین لەبارەی ئاهەنگەكە بە (رووداو)ی راگەیاند "بڕیارە لە شەوی سەری ساڵی تازەدا، لە شاری بێرمەنی ئەڵمانیا من و نازدار لەگەڵ چەند گۆرانیبێژێكی دیكە ئاهەنگی سەری ساڵ ساز بكەین".
سەبارەت بە گوتنی گۆرانی تازەش لەو ئاهەنگەدا گوتی "بێگومان من و نازدار چەند گۆرانییەكی نوێ لەگەڵ چەند گۆرانییەكی كۆن دەڵێین، بۆ ئەوەی دڵی كوردی تاراوگە خۆش بكەین".
رابین سەبارەت بە بڵاوكردنەوەی كاری نوێ گوتی "من و نازدار چەند كارێكی نوێمان ئامادەیە بۆ بڵاوكردنەوە كە بەشێكی زۆر لە كارەكانمان لە توركیا كردووە، بەڵام لەبەر بارودۆخی ئێستای كوردستان بڵاومان نەكردوونەتەوە و هەموو كارێكمان راگرتووە".
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ