بڵند و ئێران سروود بۆ پێشمەرگە دەڵێن

رووداو- هەولێر

"پێشمەرگە بم" سروودێکی نوێیە و باس لە قارەمانیەتی پێشمەرگە دەکات و بە دەنگی بڵند ئیبراهیم، هونەرمەندی گۆرانیبێژ و ئێران عیسمەت، کچە گۆرانیبێژ تۆمارکراوە، بەم دواییەش ڤیدیۆ کلیپەکەی بڵاوکرایەوە.

بڵند ئیبراهیم بە رووداوی راگەیاند " سروودی (پێشمەرگە بم) لە تێکستی سەلمان شێخ مەمییە و ئاوازی خۆیەتی و نۆبەدار ئیبراهم کاری میوزیک و میکسی بۆ کردووە".

ڤیدیۆ کلیپەکە لە دەرهێنانی حوسێن حەسەنە و دەزگای روانگە سپۆنسەریەتی، بەم دواییەش بڵاوکرایەوە.

دوای شەڕی چەکدارانی داعش زۆربەی هونەرمەندانی گۆرانیبێژ  گۆرانی نەتەوەیی و نیشتمانپەروەرییان تۆمار و وێنەگرتووە، بەتایبەتیش لەبارەی پێشمەرگە، شنگال و کۆبانێ. 
بڵند ئیبراهیم، کە خۆی خەڵکی شنگالە، ئەم سروودەی لە رۆژی 3ی ئاب، یادی کۆمەڵکوژییەکەی شنگال بۆ رووداو نارد.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger