رووداو - سلێمانی
بەڕێوەبەرایەتی كارەبای سلێمانی نرخی كارەبای مۆلیدە ئەهلییەکانی بۆ مانگی 11 راگەیاند.
سیروان محەمەد، گوتەبێژی بەڕێوەبەرایەتی كارەبای سلێمانی بە (تۆڕی میدیایی رووداو)ی راگەیاند، نرخی كاژێرێك کارەبای مۆلیدەی ئەهلی بە44 دینار بۆ مانگی 11 دیاریكراوە، مۆلیدەكانیش بەتێكڕایی لەنێوان 180 بۆ 200 كاژێر كاریانكردووە، بەوەش نرخی ئەمپێرێك لەنێوان هەشت بۆ نۆ هەزار دینار دەبێت.
گوتەبێژی كارەبای سلێمانی راشیگەیاند، هەر کاتێک كارەبای نیشتمانی نەبێ پێویستە مۆلیدە ئەهلییەكان كارەبا بۆ خەڵک دابینبكەن، جگە لە رۆژانی هەینی کە بەیانیان كارناكەن.
سەبارەت بە نرخی كارەبای یەكەكانی نیشتەجێبوون، سیروان محەممەد رایگەیاند، نرخی كیلۆواتێك بە 228 دینار دیاریكراوە، بەڵام ئەگەر وێستگەكانیان 11 كەیڤی بوو ئەوا 5 دینار و وێستگەكەی 33 كەیڤی بوو 10 دیناری بۆ زیاددەكرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ