تورکیا: لە نیساندا عێراق چوارەم گەورەترین هاوردەکارمان بووە

 

تورکسات، ناوەندی ئاماری تورکیا رایگەیاند، لە مانگی نیسانی ئەم ساڵدا تورکیا بە بەهای 19 ملیار و 254 ملیۆن دۆلار کاڵای هەناردە کردووە. هەروەها بە بەهای 29 ملیار و 117 ملیۆن دۆلار کاڵای هاوردە کردووە.

 

لەو مانگەدا، بازرگانیی تورکیا 9 ملیار و 860 ملیۆن دۆلار کورتهێنانی هەبووە.

 

وەک تورکسات دەڵێت، لە مانگی نیساندا عێراق چوارەم گەورەترین هاوبەشی بازرگانییان بووە و بە بەهای 876 ملیۆن دۆلار کاڵایان هەناردەی ئەو وڵاتە کردووە.

 

ناوەندەکە دەڵێت، لەو مانگەدا زۆرترین هەناردەی تورکیا بە بەهای ملیارێک و 483 ملیۆن دۆلار بووە و بۆ ئەڵمانیا بووە. دوای ئەویش بە بەهای ملیارێک و 186 ملیۆن دۆلار کاڵای هەناردەی ئەمریکا و، بەهای ملیارێک و 170 ملیار دۆلاریش کاڵای هەناردەی بەریتانیا کردووە.

 

لە ساڵی رابردوودا قەبارەی بازرگانیی نێوان عێراق و تورکیا 19 ملیار و 900 ملیۆن دۆلار بووە. لە ساڵی 2022ـشدا 24 ملیار و 200 ملیۆن دۆلار بوو.

 

کۆتایی مانگی نیسانی ئەم ساڵ، رەجەب تەیب ئەردۆغان، سەرۆککۆماری تورکیا سەردانی بەغدا و پاشان سەردانی هەولێری کرد.

 

لە کاتی سەردانەکەدا عێراق و تورکیا 26 یاداشتی لێکتێگەیشتنیان واژۆکرد.