رێککەوتنی رۆژی 10ی ئەم مانگە لەنێوان ئەحمەد شەرع سەرۆک کۆماری سووریا و مەزڵووم عەبدی فەرماندەی هێزەکانی سووریای دیموکرات، وەک رێککەوتنێکی پرەنسیپی دێتە بەرچاو بۆ گفتوگۆیەکی فراوان و درێژ، بەڵام زەوینەیەکی گونجاوی کارکردنی هاوبەشی سیاسی بۆ هەموو لایەک کردووەتەوە، لە هەمان کاتدا دۆخێکی کۆمەڵایەتی زۆر باشی هێناوەتەکایەوە کە رادەی یەکتر قبوڵکردنی لەنێوان نەتەوە و پێکهاتەکانی سووریادا زۆر بە باشی کردووەتەوە.
شەڕ و پێکدادان لەنێوان هێزەکانی هەسەدە و چەکدارانی سوپای نیشتمانیی سووریا، لە گوندەکانی رۆژئاوای بەنداوی تشرین بەردەوامە. تورکیا بۆ پشتیوانیکردنی هێزە چەکدارەکان ئەو ناوچانە بۆردوومان دەکات کە لەژێر دەسەڵاتی هەسەدە دان.
ئیمانوێل پۆالان، سکرتێری گشتیی وەقفی دانیێل میتێران رایگەیاند، پڕۆژەیان هەیە لە کوردستان لە بواری رووبەڕووبوونەوەی کەشوهەوا وەکو چاندنی دار و بیریان لەوە کردووەتەوە، دانیێل میتێران بخرێتە نێو پەرتووکی قوتابخانەکانی کوردستان.
ئامارێکی فەرمی و ورد بۆ ژمارەی کوردانی ئێزدی لە رۆژئاوای کوردستان بەردەست نییە، بەهۆی ئەوەی دەسەڵاتدارانی سووریا هەرگیز دانیان بە ناسنامەی ئایینی و کولتووریاندا نەناوە. تاکە ئاماری بەردەست بۆ ژمارەیان بۆ ساڵی 1963 دەگەڕێتەوە کە ئەوسا بەپێی ئاماری نیشتمانیی سووریا، ژمارەیان نزیکەی 10 هەزار کەس بووە و نیشتەجێبووی هەردوو ناوچەی جەزیرە و عەفرین بوون.
بەشێک لە دانیشتووانی شارۆچکەی جندرێسی سەر بە هەرێمی عەفرینی رۆژئاوای کوردستان، کە لە بوومەلەرزەکەی 6ـی شوباتی 2023ـدا زیانی زۆر بەر خانووەکانیان کەوتبوو، ناچارن دار زەیتوونەکانیان بفرۆشن بۆ ئەوەی بتوانن خانووە رووخاوەکانیانی پێ نۆژەن بکەنەوە.
لە هێرشێکی ئیسرائیلدا بۆسەر پێگەکانی سوپای سووریا لە پارێزگای دەرعا، سەربازێکی کورد کوژرا کە خەڵکی هەرێمی عەفرینە.
لە سەرەتای قەیرانی سووریاوە، ئەمە یەکەمجارە بەهای یەک دۆلار بگاتە 10 هەزار لیرەی سووری. پێش دەستپێکردنی قەیرانی سووریا، لە ساڵی 2011ـدا، هەر دۆلارێکی ئەمریکی بە 48 لیرەی سووری بوو.
