Li Îtalyayê keştî bin av bûbû: 35 term hatin dîtin

Hewlêr (Rûdaw) – Termên 35 koçberên ku li Îtalyayê di keştiyekê de bin av bûbûn hatin dîtin.

Li gorî agahiyên herî nû, 11 koçber jî hatine rizgarkirin û li nexweşxaneyan tên dermankirin.

17ê Hezîranê keştiyeke penaberan li Îtalyayê bin av bûbû.

Nûnera Herêma Kurdistanê ya Îtalyayê Rêzan Hemesalihê dabû zanîn ku praniya wan penaberên di keştiyê de Kurd bûn.

Hat ragihandin ku 35 term ji avê hatine derxistin û 11 koçber jî hatine rizgarkirin.

Li gorî agahiyên Rûdawê, 3 kesên ku hatine rizgarkirin ji bajarên Hewraman, Bokan û Mehabadê yên Rojhilatê Kurdistanê ne.

Mujde Umera ku hatiye rizgarkirin jî ji Hewlêrê ye û kurê wê Mîran jî hatiye rizgarkirin.

Li gorî agahiyên ku bi destê Rûdawê ketine, di nav wan 35 termên ku ji avê hatine derxistin de Kurd jî hene.

Ruya Mihyedîniya 22 salî ya ji bajarê Paweyê yê Rojhilatê Kurdistanê jî hatibû rizgarkirin.

Mujde jineke Kurd e û ji keştiya binavbûyî rizgar bûye

🛑 Hevjînê wê û 3 zarokên wê winda ne

🎤 Mujde: Hemû ji têhna mirin, tevan dikir hawar û digot "Av, av" pic.twitter.com/At4fEDO9Ep

— RudawKurdi (@RudawKurdi) June 20, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger