Hewlêr (Rûdaw) - Encûmena Leşkerî ya Sûdanê ragihand ku dest bi gotûbêjên ligel opozisyona welatê xwe dikin û kar li ser hilbijartineke paqij û azad dikin.
Cîgirê Serokê Encûmena Leşkerî ya Sûdanê General Mihemed Hemdan da zanîn ku roja Yekşemê dest bi gotûbêjên ligel opozisyonê dikin û hevdem li ser wê yekê dixebitin bo hilbijartineke paqij û azad.
Mihemed Hemdan got ku bo wan ne girîng e kî dibe serokê Sûdanê, lê ya ji bo wan girîng e kesekî wiha be ji Xwedê bitirse û hêja, kesekî xelkê nexapîne û serwet û sermayeya xelkê nedize.
Cîgirê Serokê Encûmena Leşkerî ya Sûdanê General Mihemed Hemdan got: “Vê carê hilbijartineke paqij û azad tê kirin, daku Sûdanî bi dilê xwe kesekî hilbijêrin. Em wek hêza piştîvaniya bilez, berê xwe didin rewişt û bagraunda emnî ya wî kesî, bo me ne girîng e komunîstek dibe yan jî Brîtaniyek, a girîng ew e ew kes baş be, bo me ne girîng e kî fermanrewatiyê dike, pêdiviya me kesekî hêja heye ku ji Xwedê bitirse, diziyê ji xelkê neke, xelkê nexapîne, em li kesekî wiha digerin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse