Seroka nû ya partiya Angela Merkel diyar bû

Navenda Nûçeyan – Di kongreya Partiya Krîstiyan Demokrat a Almanyayê (CDU) de, Angela Merkel ku di heman demê de Şêwirmenda Almanyayê ye, dest ji posta serokatiya partiya xwe berda û Annegret Kramp-Karrenbauer bû seroka nû ya partiya CDU.

 

Annegret Kramp-Karrenbauer di gera duyem a dengdana hilbijartina serokê/a nû de ji 1001 dengan ku 999 deng dirust bûn, 517 deng bi dest xistin û bû seroka nû ya CDU.

 

 

Annegret Kramp-Karrenbauer ku 56 salî ye, piştî Angela Merkel duyemîn jin e ku bûye Seroka Partiya Krîstiyan Demokrat a Almanyayê.

 

Berî niha Angela Merkel ragihandibû ku xwe ji bo posta serokatiya partiya xwe berbijêr nake, lê heta hilbijartinên bê ku biryar e di sala 2021ê de were encamdan, weke Şêwirmenda Almanyayê dê li ser karê xwe be.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger