Şaşiyek çêbû. Tika ye paşê dîsa hewl bide.
Amedsporê bi vê serkeftinê avantajeke baş bi dest xist
Amed (Rûdaw) - Amedspor ku di lîga duyemîn a Tirkiyeyê de di rêza duyemîn de bû, li hemberî Karamansporê 4-1 bi ser ket û bi 56 pûanan bû pêşenga lîgê.
Amedsporê bi vê serkeftinê avantajeke baş bi dest xist.
Tîma Keskesor Amedspor ku di lîga duyemîn a Federasyona Futbolê ya Tirkiyeyê de dilîze, vê carê li mala xwe mazûvaniya Karamansporê kir.
Alîgirên Amedsporê hîn 3 demjimêr beriya pêşbirkê ber bi stadyûma Amedê ve kişiyan.
Alîgirên Amedsporê beriya pêşbirkê dest bi texmînan kir.
Armanca hemûyan bidestxistina 3 pûanan û avarajeke baş bû.
Dema pêşbirka Amedsporê dest pê kir alîgiran bê navber 90 xulekan piştgiriya tîma xwe kir.
Her piştgiriyek bû golek û li qeleyê Karamansporê bariya.
Amedsporê 4-1 ji rikabera xwe Karamanê bir û bi 56 pûanan bû pêşenga lîgê.
Pêşbirk tam li gorî dilê alîgiran bû.
Amedsporê bi serkeftina li hemberî Karamanê avantajeke baş bi dest xist lê di navbera wê û tîmên duyemîn û sêyemîn de tenê pûanek ferq heye.
Amedspor dixwaze vê avantaja xwe biparêze, lîgê pêşeng biqedîne û derbasî lîga yekemîn bibe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse