Hewlêr (Rûdaw) - Rêxistina Efûyê ya Navneteweyî piştî qebûlkirina “Yasaya Dezenformasyon”ê ya ku wek yasaya sansurê tê zanîn bang li Tirkiyê kir û ragihand: “Tirkiyê ji bo berpirsiyariyên di çarçoveya hiqûqa navdewletî biguncivînin.”
Rêxistina Efûyê ya Navneteweyî, derbarê yasaya sansurê bi daxuyaniyekê bang li Tirkiyê kir.
Rêxistina Efûyê ragihand: “Ev hiqûq (mewzûat) di çarçoveya hilbijartinên parlamenterî û serokkomariyê de ku tê plankirin sala 2023an bên kirin, gefeke nû ye ji bo tengavkirina qada îstişareyê ya raya giştî.”
Daxuyaniya Rêxistina tê gotin: “Hikûmeta Tirkiyê ji bo rûbirûbûna dezenformasyonê li cihê ku mirovan tawanbar bike û bi awayekî din bêdeng bike, divê xebatên gihandina zanyariyên pêbawer, rêzdar û objektifî zêdetir bike.”
Di beşeke din a daxuyaniya xwe de Rêxistina Efûyê tekez dike ku di heman demê de yasa, platformên sosyal medyayê û bikarhênerên wan ji parvekirinan berpirs digre û bi vê rêyê wan armanc digre û qada azadiya raderbirînê ya mirovan sînordar dike û dibêje: “Guhertinên di yasayê de hatine kirin, desthilatê dide desthilatdaran ku parvekirinên sosyal medyayê asteng bikin û cezayê pereyan ji kompanyayên sosyal medyayê re bibirin û bi vî awayî kontrola hikûmetê ya ser sosyal medyayê jî zêdetir dike. Li gor ragihandina Rêxistina Rojnamevanên Sînor Nenas (RSF) hikûmeta Tirkiyê di rewşa heyî de %90ê medyaya netewî kontrol dike û saziyên medyayê ku rexneyan li desthildaran digrin rûbirûyê zextên darayî û darazî dibin.”
Herî dawî Ji Rêxistina Efûyê ya Navneteweyî daxwaze jî Tirkiyê dike ku yasaya sansurê hilweşîne û dibêje: “Li gor standart û hiqûqa mafên mirov a navdewletî li ser azadiya raderbirînê bi têgehên ne diyar wek ‘zanyariyên li dijî rastiyê’ û ‘panîk’ rê nayê dayîn ku belavkirina zanyariyan bê qedexekirin. Tevî vêya cezayên tund ên ku di yasayê de hene, bandore li raya giştî û medyayê dike û bi armanca tolê rîska otosansurê dihewîne. Ji ber vêya jî Rêxistina Efûyê ya Navneteweyî bang li Tirkiyê dike, ku yasayê hilweşîne û tevî yasayên rûbirûbûna dezenformasyonê hemû yasayên derbarê mafê azadiya raderbirînê de ji bo berpirsiyariyên di çarçoveya hiqûqa navdewletî biguncivînin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse