Hewlêr (Rûdaw) - Li navçeyên Foça û Urlayê yên Îzmîrê 160 koçberên ku dixwest biçin Ewropayê û 3 qaçaxçî hatin desteserkirin.
Demên dawiyê li Tirkiyeyê zextên li ser koçberan zêde bûne û hêzên ewlehiyê li bajarên hevsînorê Yunanistanê û li nav Deryaya Egeyê kontrolên xwe zêde kirine.
Fermandariya Ewlehiya Peravan a Tirkiyeyê duh ragihand, li sînorên navçeya Urlayê ya Îzmirê li nav Deryaya Egeyê di nav 3 belemên plastîk de 15 jê zarok 98 koçber hatin desteserkirin.
Herwiha di nav beleman de 3 kes jî bi tohmeta ku wan qaçaxçitiya koçberan dikir hatin desteserkirin.
Li sînorên navçeya Foçayê jî li nav Deryaya Egeyê hêzên ewlehiyê di nav 2 beleman de 17 jê zarok 62 koçber desteser kirin ku dixwest biçin Ewropayê.
Hêzên ewlehiyê piştî karên yasayî 160 koçber radestî Rêveberiya Îdareya Koçê ya Îzmîrê kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse