Hewlêr (Rûdaw) - Li parêzgeha Kutahyayê ya Tirkiyê otomobîlekê li nûciwanekî Îranî da û di encam de wî nûciwanî canê xwe ji dest da.
Bûyer derengê şeva bihorî li Taxa Akkent a Kutahyayê çêbûye. Hatiye ragihandin, otomobîlekê li nûciwanê 16 salî yê bi navê Huseyîn Rezaî yê ji Îranê xist.
Li ser agahdarkirinê, tîmên tendirustiyê û polîs bo cihê boyerê hatin şandin.
Li gor agahiyên hatine belavkirin, ji ber otomobîl gelekî bi lez bûye dema li Rezaî dide û wê davêje kêleka rê, heta tîmên tendirustiyê digihin cihê bûyerê, ew nûciwan canê xwe ji dest dide.
Termê Rezaî ji bo lêkolînê bo Nexweşxaneya Perwerde û Lêkolînê ya Evliya Çelebî ya Kutahyayê hatiye veguhestin.
Hatiye ragihandin ku şofêrê otomobîlê jî hatiye desteserkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse