Di malekê de termê 5 kesên Efxanî ku bi kêran hatibûn kuştin hatin dîtin.
Hewlêr (Rûdaw) - Li navçeya Altindagê ya Enqereyê di malekê de termê 5 kesên Efxanî ku bi kêran hatibûn kuştin hatin dîtin.
Berpirsê Ofîsa Rûdawê ya Enqerê Şewket Herkî ragihand ku îro 10ê Mijdara 2022ê li taxa Ornek a girêdayî navçeya Altindag a Enqerê di malekê de termê 5 koçberên Efxanî hatine dîtin.
Li gor zanyariyên peymanêrê Rûdawê ew koçber derdora berî heftiyekê bi kêran hatine kuştin û termê wan îro hatiye dîtin.
Li gor heman zanyariyên Peyamnêrê Rûdawê malbatên wan koçberan ev heftiyeke ti zanyariyek ji wan koçberan wernegirtine û hêzên ewlekariyê ji rewşê agahdar dikin. Dema hêzên ewlakariyê jî diçin mala wan termê her 5 koçberan dibînin.
Li ser agahdarkirinê tîmên tendirustî çûne cihê bûyerê û termê her 5 koçberan bo beşa morgê ya nexweşxanayê hatine veguhastin.
Daxuyaniya parêzgariya Enqereyê
Parêzgariya Enqerê de barê mijarê de daxuyanî da û wiha got: "Bûyera trajîk a ku li maleke li navçeya me Altindagê qewimî û di encamê da 5 kesên ku welatiyên biyanî ne jiyana xwe ji dest dan. Lêpirsîn di bin çavdêriya Dozgerên me yên Komarê de ji hemû aliyan ve berdewam e. her dema sedemên bûyerê û bikerên wê hatin zanîn dê zanyarî bi raya giştî re bên parvekirin. ”
Serdozgeriya Komarî ya Enqerê: Bi kêran hatine kuştin
Serdozgeriya Komarî ya Enqerê jî derbarê bûyerê de daxuyaniyek belav kir û dibêje: “Li ser agahdariya malbata kesekî ku digotin ev demeke jê bê xeber in hêzên ewlekariyê îro demjimêr derdora 19.30ê çûne navnîşaneke li taxa Ornek a navçeya Altindag ku kesên biyanî têde diman. Piştî derî şikandine û termê 5 mêrên ku bi kêran hatine kuştin dîtine.”
Serdozgeriya navborî ragihand ku karûbarên derbarê destnîşankirina wan koçberan ji aliyê Saziya Pizîşkiya Dadî û dozgerê nobedar ve hatine destpêkirin û berdewam in.
Li navçeya Altindagê ya Enqereyê di malekê de termê 5 kesên Efxanî ku bi kêran hatibûn kuştin hatin dîtin.
— RudawKurdi (@RudawKurdi) November 10, 2022
Ji bo zanyariyên zêdetir:👇https://t.co/NhzJTrZLj3 pic.twitter.com/NWOOJnXoSW
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse