Li Stenbolê 16 kes bi tohmeta alîkariya PKKê û YPGê hatin desteserkirin

Hewlêr (Rûdaw) - Li Stenbolê di oparasyoneke hemwext de polîsan bi ser 19 malan de girt û bi hinceta alîkariya PKK, PYD û YPGê 16 kes desteser kirin.

Li gor agahiyan, îro Çarşemê 10ê Gulanê li 11 navçeyên Stenbolê polîsan bi ser 19 malan de girtine.

Di operasyonê de 16 kes hatine desteserkirin.

Li gor agahiyan, ew kes bi hinceta ku ‘berê di nav PYDê û YPGê de kar kirine û jibo PKKê karê rêxistinê kirine’ hatine desteserkirin.

Tê gotin kesên ku hatine desteserkirin birine Navenda Ewlekariyê ya Stenbolê û lêpirsîn bi wan re tê kirin.

Lê derbarê nasnameya kesên desteserkirî de ti agahiyek nehatiye dayîn.

 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger