Hewlêr (Rûdaw) – Li gorî amarên OECDyê li seranserê Tirkiyeyê ji her 5 zarokan 1 bi awayekî tendurist têr nabe û ji her 4 zarokan 1 jî birçî diçe dibistanê.
Rêxistina Bipêşkêtin û Hevkariya Aborî (OECD) derbarê hejariya zarokên li Tirkiyeyê raporek belav kir.
Li gorî raporê, li Tirkiye û Bakurê Kurdistanê 6,5 milyon zarok di nav hejariyeke tûnd de dijîn û rûbirûyî pirsgirêka nebûna xwarinê ne.
Ev jî tê wê wateyê ku li Tirkiyeyê her ji 5 zarokan 1 ji têr nabe û birçî diçin dibistanê.
Her wiha li gorî rapora bernameya Piştgiriya Aborî û Civakî ya Wezareta Xizmetên Malbat û Civakî ya Tirkiyeyê jî hejmara zarokên alîkariyê distînin gihiştiye 172 hezaran.
Sala 2012an tenê 37 hezar û 295 zarokan alîkarî werdigirt lê sal bi sal hejmara zarokên ku pêwîstiya wan bi alîkariyê heye zêdetir bûye.
Li gorî amarên fermî yên Wezaretê, hejmara zarokên ku alîkariyê distînin li gorî salan wiha ye:
2012 - 37 hezar û 295 zarok
2020 - 129 hezar zarok
2023 - 164 hezar û 995 zarok
2024 - Di 6 mehên destpêkê de -171 hezar û 895 zarok
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse