Hewlêr (Rûdaw) - Ajansa fermî ya Tirkiyê ragihand ku firokeyên şer ên Rûsyayê, îro Herêma Kêmkirina Rageşiyê ya li Îdlibê bombebaran kirine û li gor zanyariyên destpêkê, di bombebaranê de 9 sivîl hatine kuştin û 30 kes jî birîndar bûne.
Li gor heman ajansê, îro 25ê Hezîrana 2023an demjimêr 10:03 deqe 3 firokeyên şer ên Rûsyayê ji binkeya asmanî ya Himeymîm ku li Lazqiyê ye rabûne û navçeya Cisir El-Şuxur a ser bi Idlibê ve, gundê Beynin û bazarek bombebaran kirine.
Li gor zanyariyên destpêkê ku rêxistina Kum Spiyan belav kirine, li bazara Cisir El-Şuxurê 9 sivîlan canên xwe ji dest dane û 30 sivîl jî birîndar bûne.
Herwiha sivîlên birîndar bo nexweşxaneyan hatine veguhestin lê tê gotin ku dibe hejmara kuştiyan zêdetir bibe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse