Heleb: Koçber ji bo debara xwe êzingan dikin komir
Hewlêr (Rûdaw) – Li gundewarê parêzgeha Helebê yê bakurê Sûriyeyê koçber ji bo bikin komir êzingan kom dikin.
Piştre komirê dibin bazarê û difiroşin daku bikarin debara jiyana malbatên xwe bikin.
Karkerê komirê Ebû Feysel anî ziman:
“Karê me bi qutkirina êzingan û amadekirina wan a bi qasî hev dest pê dike. Piştre em wan bi awayekî qubikî berhev dikin û bi pûş û pelên daran dinixumînin.
Piştre wan dixin binê erdê û heta 4,5 rojan agir berdidin wan.”
Bi gotina kedkarên pîşeya çêkirina komirê, ew di karê xwe de rûbirûyî çend astengiyan dibin, wek ji destdana tiliyan û nexweşiyên sîng û pişikê, zehmetiyên rewşa hewayê û nirxê erzan a li bazarê.
Her tonek bi 150-175 dolaran tê firotin
Xwediyê kargeha komirê Ebû Hamid jî got:
“Destpêkê ti tecrube li ba me nebû. Em ji malên xwe ji bo herêma Efrînê derbider bûn.
Li wir karê me yê serekî êzing û komir bû. Me nêzîkî 2-3 mehan kar kir heta ku em fêr bûn.”
Di salên şerê navxwe yê Sûriyeyê de, ji ber nebûn an kêmbûna mazotê û bi hatina demsala zivistanê re xelkê berê xwe da bikaranîna êzing û komirê.
Li gundewarê bakur û bakurê rojavayê Sûriyeyê û li Efrîn û Kobaniyê jî bi dehan kargehên çêkirina komirê hatine vekirin.
Li bazarê li gorî kalîteya komirê her tonek di navbera 150 heta 175 dolaran de tê firotin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse