Berdevkê Hemasê beşdarî bultena Rûdawê bû
Hewlêr (Rûdaw) – Berdevkê rêxistina Filistînî Hemasê ragihand wan bi navê “Tofana Eqsayê” li Xezayê dest bi cîhadê kiriye.
Berdevkê rêxistina Filistînî Hemasê Ebdulletîf El-Kanû ji Rûdawê re diyar kir ku di êrişa ku hat destpêkirin de 1000 “mucahid” beşdar bûne.
Berdevkê Tevgera Berxwedana Îslamî (Hemas) Ebdulletîf El-Kanû li ser êrişa îro danê sibehê ya Tûgayên Îzzeddîn El-Qessam a li dijî Îsraîlê ji Rûdawê re axivî.
Berdevkê rêxistina Filistînî Hemasê Ebdulletîf El-Kanû got:
“Ev êriş bersiva êriş û reftarên hovane yên Îsraîlê ye. Em bi Îsraîlê re di nava şerekî vekirî de ne.”
“Berxwedan dê bidome”
Berdevkê Hemasê diyar kir ku şer û pevçûn didomin.
Ebdulletîf El-Kanû got, “Em dixwazin hedê hikûmeta rastgir a Îsraîlê bidin zanîn.”
Ebdulletîf El-Kanû herwiha destnîşan kir ku divê Îsraîl bizanibe ku berxwedan dê bidome.
Berdevkê Hemasê diyar kir ku ew heta niha li ser zererên bombebaran û pevçûnan ne xwedî agahiyên zelal in.
Wezareta Tenduristiyê ya li Xezeyê ragihand ku piştî operasyona “Tofana Eqsayê” di êrişên Îsraîlê yên li Xezeyê de 198 kes mirin û hezar û 610 kes jî birîndar bûn.
Herwiha hat ragihandin ku di êrişên Hemasê yên li Îsraîlê de jî hejmara miriyan bû 40 û 750 kes jî birîndar in.
Serokwezîrê Îsraîlê Benjamin Netanyahu ragihand ku ew “di şer de ne”.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse