Serokkomarê Tirkiyeyê tê Hewlêrê

Hewlêr (Rûdaw) – Serokkomarê Tirkiyeyê Recep Tayip Erdogan, ragihand ku ew dê di demeke nêzîk de ji bo serdanê bê Hewlêrê û Bexdayê.

Ji Herêma Kurdistanê, Partiya Demokrata Kurdistanê (PDK), Yekgirtûya Îslamî ya Kurdistanê (Yekgirtû) û Partiya Rencderan jî ji bo Kongreya Mezin a Awarte ya AK Partiyê hatibûn vexwendin.

Ji Îraqê jî Serokê Parlamentoyê Mihemed Helbûsî, Serokê Komîsyona Heşdî Şeibî Falih Feyyaz, Serokê Hevpeymaniya Sune Xemîs Xençer û berpirsên Eniya Tirkmenan a Îraqê amade bûn.

Nûnerên partiyên Îraq û Herêma Kurdistanê yên ji bo kongreyê amadebûn bi Erdogan re civiyan. 

Di civînê de Serokkomar Erdogan diyar kiriye ku dê di demek nêzîk de were Îraq û Herêma Kurdistanê.

Li aliyê din Erdogan ji Sîdad Barzanî xwest ku slavên wî li Serok Mesûd Barzanî, Serokê Herêma Kurdistanê Nêçîrvan Barzanî û Serokwezîr Mesrûr Barzanî bike.

Erdogan herwiha gotiye ku ew rijd in li ser bicihkirina rêya geşepêdanê ku hêla hesin a di navbera Îraq û Tirkiyeyê de ye.

 

Serokkomarê Tirkiyeyê Recep Tayyîp Erdogan bi şandeyeke partiyên Îraq û Herêma Kurdistanê re civiya.

Nûçegihanê Rûdawê: Erdogan ji şandeya partiyan re gotiye, ew dê di demeke nêzîk de were Îraq û Herêma Kurdistanê.

📸 AA pic.twitter.com/NbpJjG4QJ7

— RudawKurdi (@RudawKurdi) October 7, 2023

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger