Kampa Domîz (Rûdaw) – Şeva din saet 01.00an agir bi kampa Domîz ket û ji ber wê yekê 2 zarokan jiyana xwe ji dest dan. Herwiha dayîk û bavê zarokekî 10 salî jî birîndar bûn.
Nûçegihanê Tora Medyayî ya Rûdawê li kampê ragihand ku ji ber agir bi çadirekê ket û 3 kes bûn qûrbanî.
Li gor zanyariyan di cih de 2 zarok şewitîn û jiyana xwe ji dest dan. Dayîk û bavê zarokekî 10 salî bi rêjeyekî zêde şewitîn û ji bo çareseriyê birin nexweşxaneyê.
Heta niha nayê zanîn agir ji ber çi rûdaye.
Heftiya borî jî çadirek li kampa Domîz şewitî. Berî çend rojan jî bahozekî zêde li kampa Domîz dabû û ji ber wê yekê nêzî 60 kesî birîndar bûn.
Kampa Domîz dikeve parêzgeha Dihokê û zêdetirî 60 hezar penaberên rojavayê Kurdistan û Sûriyê lê dijîn. Piştî şoreşa gelan a li Sûriyê ya li dijî rejîma Beşar Esed, li Dihokê kampek ji bo penaberan hat dirûstkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse