Hewlêr (Rûdaw) - Li parêzgeha Wanê ya Bakurê Kurdistanê bi biryara parêzgariyê meş, çalakî û civînên bikom ên li derve 2 rojan hatin qedexekirin.
Parêzgariya Wanê bi daxuyaniyekê li ser malpera xwe ya fermî ragihand ku 28 û 29ê Çiriya Pêşîn a 2023yan meş, çalakî, kampanyayên îmzeyan, çêkirina anketan, vedana çadir û standan, daxuyaniyên çapemeniyê, belavkirina belavokan, xwepêşandan, çalakiyên rûniştinê û civînên bikom ên li derve 2 rojan hatine qedexekirin.
Parêzgariya Wanê îdîa dike ku qedexe “ji bo rêgirtina li êrişan”, “parastina can û malê welatiyan”, “jinavbirina rêxistinên terorê” û “pêkanîna ewlehiya niştîmanî” hatiye ragihandin.
Li gorî daxuyaniyê, qedexe wan çalakiyên ku bi destûra parêzgariyê ne li xwe nagire.
Ev çend hefte ne bi berdewamî rojên Şemî û Yekşeman bi biryara parêzgariyê, li Wanê çalakî tên qedexekirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse