Li Silêmaniyê tîma Rûdawê hat astengkirin / Wêne: Ji dîmenan
Hewlêr (Rûdaw) – Li bajarê Silêmaniyê, tîma Rûdawê ya meşa protestokirina kuştina du rojnamgerên jin dişopand rastî êrişê hat û hat astengkirin.
Tirkiyeyê duh li herêma Seyidsadiqê ya Silêmaniyê otomobîlek bombeberan kir.
Di encama wê bombebaranê de 2 rojnamegerên Stêrk TVyê Gulîstan Tara û Hêro Bahadîn canê xwe ji dest da û 6 rojnameger jî birîndar bûn.
Li Parka Azadiyê ya bajarê Silêmaniyê îro meşeke girseyî ji bo protestokirina wê êrişî hat lidarxistin.
Tîma Rûdawê jî ji bo şopandinê çû cihê çalakiyê.
Lê tîma Rûdawê ji aliyê hinek kesên ku wekî aligîrên PKKyê tên zanîn rastî êrişî hat û hat astengkirin.
Di dema êriş birin ser tîma Rûdawê de, hinek rojnameger û serokên du rêxistinên mafên rojnamegeran diparêzin jî li wê derê amade bûn û ew jî bûn şahidê wê yekê.
Li bajarê Silêmaniyê, tîma Rûdawê ya meşa protestokirina kuştina du rojnamgerên jin dişopand rastî êrişî hat û hat astengkirin. pic.twitter.com/j4UgU3xn5Z
— RudawKurdi (@RudawKurdi) August 24, 2024
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse