Li Şirnexê polîsan êrişî civîna DEM Partiyê kir: 4 ciwan hatin desteserkirin

Hewlêr (Rûdaw) - Li parêzgeha Şirnexê hêzên ewlehiyê êrişî civîna gel a DEM Partiyê kir û 4 ciwan piştî   şkence û lêdanê desteser kirin.

DEM Partiyê îro di çarçoveya xebatên hilbijartinên 31ê Adara 2024an de li parêzgeha Şirnexê civîneke hevdîtina bi gel re saz kir.

Hevserokê DEM Partiyê Tuncer Bakirhan jî di civînê de beşdar bû û hejmareke zêde ya welatiyan çûn pêşwaziya wî.

Li gorî zanyarî û dîmenên li ser medyaya civakî belav bûne hêzên ewlehiyê midaxeleyî çalakiya DEM Partiyê dikin û şkence li hejmarek jin û ciwanan kirin.

Hêzên ewlehiyê herwiha 4 ciwan jî piştî lêdan û şkenceyê desteser kirin.

Rojnameger Medîne Mamedoglu beşek ji dîmenên wê midaxeleya polîsan a ciwanên Şirnexî li ser hesabê xwe yê medyaya civakî belav kirin û anî ziman:

“Dema me hewl dida dîmenên şkenceyê tomar bikin, em rojnameger jî rastî tundûtûjiyê hatin.”

Şırnak’ta DEM partinin yaptığı halk buluşması sonrası gençler ve kadınlar darp edildi. 4 tane genç işkenceyle gözaltına alındı. İşkenceyi kayıt altına almak isterken biz gazetecilerde darp edildik. pic.twitter.com/7VZrk6Zdla

— Medine Mamedoğlu (@MamedogluMedine) February 24, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger