Hewlêr (Rûdaw) - Rojnamevan Sînan Aygul ku ji ber nûçeya îstîsmara zayendî ya li dijî zarokeke li navçeya Tetwan a Bedlîsê hatibû desteserkirin, serbest hat berdan.
Serokê Cemiyeta Rojnamevanan a Bedlîsê Aygul di 14ê berfenbarê de ji ber nûçeya "îstîsmara zayendî ya li dijî zarokan" hatibû girtin.
Komeleya Lêkolînên Medya û Hiqûqê (MLSA) ragihand ku Aygul hatiye berdan.
Komeleya Lêkolînên Medya û Hiqûqê di derbarê mijarê de li ser hesabê xwe yê medya civakî daxuyaniyek belav kir û tê de wiha got:
“Ji bo parvekirina îdiaya îstismara zarokan li ser hesabê xwe yê medyaya civakî, rojnamevan Sînan Aygul ku di 14ê Berfenberê de bi hinceta Qanûna Dezenformasyonê (TCK 217/A) hatibû girtin, hat berdan.”
Sosyal medya hesabından çocuk istismarı iddiasını paylaştığı için Dezenformasyon Yasası (TCK 217/A) dayanak gösterilerek 14 Aralık’ta tutuklanan gazeteci Sinan Aygül tahliye edildi. pic.twitter.com/EznF0O99DM
— MLSA (@mlsaturkey) December 22, 2022
Çi bibû?
Rojnamevanê Bedlîsî Sînan Aygul ku îdiaya îstîsmar û tacizkirina zaroka 14 salî ya li Tatwanê kiribû nûçe, polîsan di 13ê Berfenbarê de bi ser mala wî de girtibû.
Aygul ê ku bi îdiaya ku “gel bi dijminatî û kîne tehrîk kirye” hatibû desteserkirin, piştî ku li dozgeriyê îfadeyên wî hatin wergirtin, bi daxwaza girtinê bo dadgehê hatibû şandin.
Sînan Aygun ê ku derxistibûn dadgehê hatibû girtin.
Piştî biryara girtinê Sînan Aygul li ser hesabê Twîtterê wiha bertek nîşan dabû
“Divê pêşî yên bê girtin ne rojnamevan bin! Divê yên bên girtin tacîzker û tecawizker bin. #RojnamegerîNeSûce.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse