Hewlêr (Rûdaw) - Wezareta Plandanînê diyar kir ku hejmara şêniyên Herêma Kurdistanê sala 2040î bigihêje 9 milyonî.
Li gorî wezaretê hejmara şêniyên Herêma Kurdistanê sala 2020an 6 milyon û 171 hezar û 83 kes bû.
Wezareta Plandanînê ya Herêma Kurdistanê li ser hejmara şêniyên Herêma Kurdistanê raporek belav kir.
Di pêşgotina raporê de Wezîr Dr. Dara Reşîd da zanîn:
“Nebûna serjimêriya 35 salan a li Îraqê bû sedema nebûna hûrgiliyên girîng ên demografîk û valahiya mezin di çavkaniyên amarên plansaziyê yên girîng de hiştin.”
Dr. Reşîd bal kişand ser wê yekê ku divê saziyên statîstîkan ên welatan ji bo peydakirina amaran rêbazên din ên zanistî bi kar bînin.
Di raporê de nirxandina Şêwirmendê Serjimêriya Neteweyî ya Fona Nifûsê ya Neteweyên Yekbûyî (UNFPA) Mehdî Alak jî cih girt.
Mehdî Alak jî anî ziman:
“Nebûna amarên nû ya ji ber nekirina serjimêriya berfireh, peydakirina pêşbîniyên nifûsê ji bo salên bê zehmet dike.”
Li gorî Desteya Amaran a Herêma Kurdistanê, hejmara şêniyên Herêma Kurdistanê sala 2020an nêzîkî 6 milyon û 200 hezar kesî bû.
Li gorî nifûsa giştî Hewlêra ku ji sedî 36,5ê nifûsê lê dijî parêzgeha herî mezin, Silêmanî bi ji sedî 34,9an duyem, Dihok bi ji sedî 26,7an sêyem û Helebce jî bi ji sedî 1,9an çarem e.
Nifûsa li gorî parêzgehan wiha ye:
Hewlêr: 2 milyon û 254 hezar û 422 kes
Silêmanî: 2 milyon û 152 hezar û 595 kes
Dihok: Milyonek û 648 hezar û 611 kes
Helebce: 115 hezar û 455 kes
Pêşbîniya nifûsê ya 2040î
Ji bo texmînkirina rêjeya zêdebûna nifûsa Herêma Kurdistanê ya heta sala 2040î çend senaryo hatin nirxandin.
Derbarê asta bûyîna zarokan de 3 senaryo hatin nirxandin.
Ji ber ku analîza hestiyariyê di navbera van her sê senaryoyan de cudahiyên girîng dernexistin, senaryoya navendî ji bo nifûsê li asta navçeyan projeksiyana nifûsê hate bikaranîn.
Li gorî vê yekê heta sala 2040î her 5 salan carekê hejmara şêniyên parêzgehan dê wiha be:
HEWLÊR
2025: 2,488,315 kes
2030: 2,731,945 kes
2035: 2,981,511 kes
2040: 3,232,154 kes
SILÊMANÎ
2025: 2,348,728 kes
2030: 2,549,373 kes
2035: 2,748,771 kes
2040: 2,938,720 kes
DIHOK
2025: 1,859,753 kes
2030: 2,093,015 kes
2035: 2,342,886 kes
2040: 2,600,612 kes
HELEBCE
2025: 125,974 kes
2030: 136,736 kes
2035: 147,431 kes
2040: 157,618 kes
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse