Hewlêr (Rûdaw) - Li parêzgeha Mêrdînê ya Bakurê Kurdistanê karkerek dema dixebitî ji qata 6an ya avahiyê ket û canê xwe ji dest da.
Li taxa Yenêşehîrê ya Mêrdînê karkerê bi navê Bîlal Gumuşê 44 salî dema ku dixebitî lingê wî şemitî û ji qata 6an a avahiyê ket.
Li ser agahdarkirinê polîs û tîmên tenduristiyê çûn cihê bûyerê.
Piştî lêkolîna tîmên tenduristiyê hat ragihandin ku karkerê 44 salî li cihê bûyerê canê xwe ji dest daye.
Li gorî rapora Ewlehiya Kar û Tenduristiya Karkeran (ISIG), di Çiriya Pêşîna îsal de herî kêm 164 karkeran canê xwe ji dest daye ku 42 ji wan yên sektora çêkirina avahiyan e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse