prev
next
Hewlêr (Rûdaw) - Heyeta Îmraliyê û Serokwezîrê Herêma Kurdistanê Mesrûr Barzanî li hev civiyan.
Şandeya DEM Partiyê ya Îmraliyê piştî hevdîtinên xwe yên bi Abdullah Ocalan re serdanên xwe didomîne.
Heyeta Îmraliyê di çarçoveya van hevdîtinan de hat Başûrê Kurdistanê.
Heyet bi Serok Mesûd Barzanî û Serokê Herêma Kurdistanê Nêçîrvan Barzanî re civiya.
Heyeta Îmraliyê doh jî li Sîlemaniyê bi Serokê Yekîtiya Niştimanî ya Kurdistanê (YNK) Bafil Talebanî re civiya.
Şandeya DEM Partiyê ya Îmraliyê ji Silêmaniyê dîsa vegeriya Hewlêrê û îro li Serokwezîriya Herêma Kurdistanê bi Serokwezîr Mesrûr Barzanî re civiya.
Ofîsa Çapemeniyê ya DEM Partiyê ragihand ku hevdîtinê 45 xulekan berdewam kiriye.
Li gorî daxuyaniyê, Heyeta Îmraliyê derbarê hevdîtinên bi Abdullah Ocalan re agahî dan û dîtin, pêşniyar û ramanên Mesrûr Barzanî yên derbarê pêvajoyê de wergirtin.
Divê were gotin ku Heyeta Îmraliyê ji Pervîn Buldan û Sirri Sureyya Onder, Hevserokê DBPyê Keskîn Bayindir, endamên Buroya Hiqûqê ya Sedsalê Ozgur Erol û Îbrahîm Bilmez, Hevberdevkê Komîsyona Pêwendiyên Derve ya DEM Partiyê Berdan Ozturk û parlamenterên DEM Partiyê Gulcan Kaçmaz Sayyîgît û Mehmet Kamaç pêk tê.
Şandeya DEM Partiyê ya Îmraliyê hevdîtinên xwe yên li Başûrê Kurdistanê qedandin û dê îro vegere Tirkiyeyê.
#VÎDEO - Serokwezîrê Herêma Kurdistanê Mesrûr Barzanî û Heyeta Îmraliyê li Hewlêrê li hev civiyan pic.twitter.com/tGVWScgkXx
— RudawKurdi (@RudawKurdi) February 19, 2025
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse