Pîrejina herî bi temen li Kurdistanê koça dawî kir

Hewlêr (Rûdaw) – Îro Çarşemê 18ê Kanûna 2019 pîrejina herî bi temen li Başûrê Kurdistanê, Selme Ebdulqadir naskirî bi ''Nene Selme'' di temenê 122 saliyê de koça dawî kir.

Pîrejina Kurd, Selme Ebdulqadir nişteciha qezaya Şarezorê li parêzgeha Silêmaniyê bû.

Neviyê Selme Ebdulqadir, Araz Ezîz di daxuyaniyeke li gel Rûdawê de nûçeya wefata dapîra xwe piştrast kir û got: "Îro demjimêr 10:30 Nene Selme wefat kir û termê wê li goristana gundê Deq li bajarokê Warmava bi axê hat spartin."

Selme Ebdulqadir ku xelkê navçeyê ew bi navê "Nene Selme" bang dikirin, li gor nasnameyê di 01-07-1897 de ji dayik bûbû, ku temenê wê dike 122 sal.

Tora Medyayî ya Rûdawê di sala 2017an de raportek li ser jiyana pîrejina Kurd Selme Ebdulqadir amade û belav kiribû.

Pênc kur û 3 keçên Nene Selme hene.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger