Hewlêr (Rûdaw) – Serokê Herêma Kurdistanê Nêçîrvan Barzanî got, “Baweriya me bi şiyanên ciwanan heye ku rêberiya paşerojeke geştir bikin."
Serokê Herêma Kurdistanê Nêçîrvan Barzanî îro bi boneya 72 saliya damezrandina Yekîtiya Ciwanên Demokrat ên Kurdistanê peyamek belav kir.
Nêçîrvan Barzanî di peyama xwe de got:
“Ez 72 saliya damezirandina Yekîtiya Ciwanên Demokrat ên Kurdistanê bi germî li we hemûyan pîroz dikim.
Di xizmeta ji bo ciwanan û xurtkirina rola wan a ji bo avakirina paşerojeke geştir a Kurdistanê de hêviya serkeftinê ji we re dixwazim.”
“Ciwanan roleke girîng heye”
Nêçîrvan Barzanî bal kişand ser rola wê yekîtiyê û got:
“Yekîtiya we bi damezirandinê dibistana xebat û rêxistina ciwanan roleke girîngî ji bo perwerde û bipêşxistina gelek kadro û serkirdeyên hebûye ku beşdarî tevgera rizgarîxwaziya Kurdistanê bûne.
Ez bi wan rojan ku min di nav refên vê yekîtiyê de kar kiriye serbilind im û ez girîngiya vê ezmûnê ya di selimandina ruhê pabendî û berpirsyariyê de li hemberî civak û nîştimanê baş dizanim."
“Baweriya me bi ciwanan heye”
Serokê Herêma Kurdistanê her wiha amaje bi wê yekê kir ku wekî hêza civakê û ruhê paşerojê, erkeke sereke ji bo bipêşxistina şiyan û xurtkirina hesta berpirsyariya nîştimanî û avakirina nifşekê li ser milê ciwanan heye û got:
“Kar li ser belavkirina çanda pirrengî û pêkvejiyan û lêborînê, xurtkirina ruhê nûjeniyê, bingeha bipêşketin û avakirina civakeke aramtir û geştir tê kirin.
Ji ber vê em piştgiriya xwe ya berdewam ji bo ciwanan dîsa tekez dikin û baweriya me bi şiyanên we heye ji bo rêberiya ciwanan a ber bi paşerojeke geştir ve."
Di vê salvegerê de, em bi rêz şehîdên Yekîtiya Ciwanên Demokrat ên Kurdistanê û hemû şehîdên Kurdistanê bi bîr tînin.
Silav li hemû wan ciwanên ku ji bo Kurdistaneke geştir berdewam dixebitin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse