Hewlêr (Rûdaw) - Li navçeya Wêranşarê ya parêzgeha Meletiyê ya Bakurê Kurdistanê karkerek ji vînca ku li ser rêya hesinî dixebitî ket û canê xwe ji dest da, karkerek jî birîndar bû.
Li taxa Yenî Mahaleyê yê navçeya Wêranşarê di xebatên nûjenkirina rêya trênê de lingên vîncekê qulibîn û karker ketin xwarê.
Dema karkerên bi navê Salih Çelîk û E.T. dixwest vîncê dayînin, lingên vîncê qulibîn û karker ketin, di bûyerê de her du karker jî birîndar bûn.
Li ser agahdarkirinê tîmên tenduristiyê û polîs çûn cihê bûyerê.
Tîman birîndar veguhastin Nexweşxaneya Dewletê ya Wêranşarê.
Tevî hewldanên bijîşkan Salih Çelîk li nexweşxaneyê canê xwe ji dest da.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse