Asayîşa Rêveberiya Xweser 5 girtiyên ENKSyê berdan

Hewlêr (Rûdaw) - Asayîşa Rêveberiya Xweser a Rojavayê Kurdistanê 5 girtiyên ENKSyê serbest berdan.

Endamên ENKSyê Bêrîvan Êsmaîl, Fewaz Salih Benko, Ebdulrehman Mihemed Şeng, Xalid Mîrzo û Bengîn Birîndar hezîran îsal ji aliyê hêzên Rêveberiya Xweser ve hatibûn girtin.

Ew girtiyên Encumena Niştîmanî ya Kurd a Sûriyeyê (ENKS) serbest hatin berdan.

Hat zanîn ku rewşa tenduristiyê ya Fewaz Benko ne baş e.

6 endamên ENKSyê hîn jî girtî ne

Serokê ENKSyê Silêman Oso jî ji Rûdawê re got ku  endamên ENKS Rakan Ehmed, Merwan Liyanî, Hesam Dorsin, Ehmed Sofî, Fethî Serhan û Remedan Mihemed Hacî heta niha nehatine berdan.

Berdevkê ENKSyê Feysel Yûsif jî beşdarî bultena Rojavayê Kurdistanê bû û derbarê girtiyan de axivî.

Feysel Yûsif ji Rêveberiya Xweser xwest ku 6 endamên din ên ENKSyê bêne berdan.

Bi gotina Feysel Yûsif endamên wan ên hatine girtin tenê karên siyasî kirine.

Li aliyê din li ser sedema girtina wan Asayîşa Rêveberiya Xweser a Rojavayê Kurdistanê ti daxuyanî nedaye.

 

Berdevkê ENKSyê Feysel Yûsif ji Rûdawê re axivî:

🎤Heta niha ti gav ber bi Diyaloga Kurdî-Kurdî ve nehatine avêtin

🎤Em ji asayîşê dixwazin 6 endamên din ên ENKSyê berde

🎤Endamên me yên hatine girtin tenê karên siyasî kirine pic.twitter.com/8RXPmnvCeD

— RudawKurdi (@RudawKurdi) September 9, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger