Hewlêr (Rûdaw) - Li parêzgeha Rihayê ya Bakurê Kurdistanê jineke welatiya Sûriyeyê di mala xwe de bi kêrê hat kuştin.
Derbarê bûyerê de kesek hat desteserkirin.
Li gor agahiyan îro nîvro li navçeya Xelîliyê ya Rihayê cîranên jina welatiya Sûriyeyê Nur Suleymana 29 salî dengê qerebalixiyê ji mala wê bihîst.
Cîranan hevjînê Nur Suleymanê yê ku li ser kar bûye ji rewşê agahdar kir.
Hevjînê wê dema hatiye mal dîtiye ku Nur Suleyman bi kêrê hatiye kuştin.
Tê got ku bi kêrê stûyê wê hatiye birîn û derbên kêrê li ser çend cihên laşê hebû.
Zarokeke du salî ya Nur Suleymanê heye û tê gotin ku di dema bûyerê de ew jî li gel dayîka xwe bûye.
Li ser agahdarkirinê tîmên tenduristiyê û polîs çûn cihê bûyerê.
Tîmên tenduristiyê ji bo otopsiyê termê Nur Suleymanê veguhast Saziya Tiba Edlî ya Rihayê.
Derbarê bûyerê kesek hat desteserkirin û herwiha derbarê bûyerê lêpirsîn jî hat despêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse