Duhok (Rûdaw) – Îro berî nîvro termê Dilîn Welîd ku 10 salî bû û sê roj berê li navenda bajarê Duhokê winda bûbû, li nêzîkî yarîgeha werzişî ya Duhokê hat dîtin û li ser bûyerê lêkolîn dest pê kir.
Çavkaniyekî ji Tora Medyayî ya Rûdawê re çend zanyarî eşkere kirin û got: “Termê keça 10 salî, bo Tiba Dadî ya Duhokê hat veguhestin, di pişkinînên destpêkê de tiştê ku hatiye dîtin, bi kêran hatiye kuştin û hewla serjêrkirinê jî hatiye dayîn, lê hêj raporta Tiba Dadî derneketiye û hûrgiliyên çawaniya kuştina wê niha ne diyar e.”
Li ser tohmetbar an tohmerbarên vê bûyerê, diyar kir: “Lêkolîn hatiye destpêkirin, lê hêj ti kes nehatiye desteserkirin.”
Berdevkê Polîsê Duhokê Hêmin Silêman ji Rûdawê re ragihand: “Termê keçik bo Tiba Dadî hatiye veguhestin û hêj bi awayekî zelal nayê zanîn ku gelo ew bi xwe miriye, an kesekî ew kuştiye. Lêkolîn dest pê kirine.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse