Hewlêr (Rûdaw) - Li parêzgeha Erziromê ya Bakurê Kurdistanê bi hinceta ku li ser torên civakî “propagandaya KCK\PKKyê” kirine 5 kes hatin desteserkirin.
Fermandariya Cendirmeyan a Erziromê bi daxuyaniyekê ragihand:
“Hinek kesan xwestiye di salvegera bûyerên Kobaniyê yên 6-7ê Cotmeha 2014an de beşdarî çalakiyan bibin.
Wan li ser hesabên xwe yên torên civakî propogandaya PKK/KCKyê kirine.
Me li parêzgeha Erziromê û navçeyên wê dest bi operasyoneke hevdem kir.”
Di “operasyonê” de 5 kes hatin desteserkirin û piştî rêkarên destpêkê yên li navenda cendirmeyan, her 5 kes jî bir dadgehê.
Piştî ku 1ê Çiriya Pêşîn 2 endamên PKKyê li Enqerê êrişî Wezareta Karên Navxwe ya Tirkiyeyê kir, Tirkiyeyê dest bi “operasyonên” desteserkirinê kir.
Heta niha bi hinceta “endamtî û propagandaya PKKyê” bi sedan kes hatine desteserkirin.
Di êrişê de 2 polîsên Tirkiyeyê birîndar bûbûn û 2 gerîlayên PKKyê canê xwe ji dest dabû.
Li Tirkiye û Bakurê Kurdistanê, hêzên ewlehiyê rojane bi ser malan de digire û bi “hinceta PKKyê” xelkê sivîl û siyasetmedarên Kurd desteser dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse