Navenda Nûçeyan - Rêncberên ku biharê dertketine zozanên quntarê Çiyayê Agirî, piştî barîna berfê bi keriyên pezên xwe vedigerin.
Duh êvarê li Îdirê şilî barî, li Çiyayê Agirî û cihên bilind jî berf barî.
Şilî û berfê li zozaniyên derketibûn zozanên Çiyayê Agirî kir û piştî barîna berfê rêncberên ku derketibûn zozanên pêşa çiyê yên Serdarbulak, Bilîcan û Gewro, bi pez û dewarên xwe berê xwe dan Deşta Îdirê.
Ji zozaniyan Ahmet Kurt got ku ji ber berfê cihê çêrandinê nema ku ew ajelan xwe lê biçêrînin û ji ber vê yekê jî ew vedigerin Îdirê.
Kurt diyar kir, piştî ku berf barî li zozanê hewa pir sar bû û wiha pê de çû: "Nêzî 5-6 mehan e em derketine zozanê, lê ji ber ku hewa sar bû berf barî em dadigerin deştê. Em dê zivistana xwe li deştê derbas bikin û biharê cardin derkevin zozanên xwe. Jiyana me wiha dewam dike."
Meşa bi sedan heywanan dîmenên xweşik derxistin holê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse