Li Rojhilatê Kurdistanê greva mamosteyan di roja sêyem de berdewam bû

Hewlêr (Rûdaw) – Li Rojhilatê Kurdistanê greva mamosteyên dibistanên Rojhilatê Kurdistanê û Îranê di roja xwe ya sêyem de berdewam bû û biryar e dest bi dewama xwe bikin û dewama dibistanan asayî bibe.

 

Mamosteyên grevgirtî daxwaz ji desthilatê kir ku xwestekên wan werin cîbicîkirin û mamosteyên girtî werin azadkirin. Herwiha dawî bi guvaşên siyasî yên li ser mamosteyan were anîn. Tevî vê yekê jî daxwaza zêdekirina mûçeyên mamostetiyê û dabînikirina xwendina bêberamber û dadperwer di sîstema perwerdê de were kirin.

 

Li Rojhilatê Kurdistanê jî beşeke mamostayan daxwazê dikin ku hikûmet yasaya xwendina bi zimanê dayîkê li dibistan û zanîngehan peyrewe bike.

 

Di derbarê greva mamosteyan de Wezîrê Perwerde yê Îranê Mihemed Bethayî ragihand ku ew heya dawiya îsal pirsgirêka li paşketina mûçeyên mamosteyên girêbest çareser bikin û herwiha hikûmetê pêşniyara damezirandina 55 hezar kesan li Wezareta Perwerdê erê kiriye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger